الفاصوليا البيضاء - El Hanim
الفاصوليا البيضاء

الفاصوليا البيضاء

اعجــاب
516 مشـاهدة
منذ سنة واحدة

الفاصوليا البيضاء أكلة كلها بروتين ويا سلام عليها مع شوية أرز ابيض وسلطة خضراء، جربيها بطريقة الهانم.

حضــــــــري

ربع كيلو فاصوليا ناشفة

 كيلو طماطم مضروبة فى الخلاط

ملعقة كبيرة صلصة طماطم

۲ كوباية شوربة لحمة مسلوقة

بصلة متوسطة مبشورة

ملعقة سمنة الهانم

 ۳ ملعقة زيت

ملعقة ملح صغيرة

ملعقة فلفل أسود صغيرة

ملعقة بهارات لحمة صغيرة

الـطــريـقـــــة

خـطوة 1
هنسيب الفاصوليا في طبق وفيه مياه فاترة الأول لمدة ٤ ساعات. وبعدين نسلقها على النار لحد ما تغلي غلوة كويسة ونصفيها من المياه السخنة ونسيبها على جنب.
خـطوة 2
هنضيف في حلة على النار سمنة الهانم والزيت ونضيف البصلة لحد ما تاخد لون أصفر، نضيف عليها الطماطم بعد ما نصفيها الأول ونضيف الشوربة والفاصوليا والملح والفلفل الأسود والبهارات وبعدين نسيبها تاخد التسوية المظبوطة.
خـطوة 3
هنقدم الفاصوليا مع أرز أبيض وسلطة خضراء.

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً