الجسم في الشتاء بيحتاج ممارسة الرياضة والمشي وده بيكون صعب في الشتاء أحيانا بسبب الجو البارد ولكن جسمك بيحتاج التعرض لأشعة الشمس علشان تاخدي منها فيتامين ”د” إللي بيحافظ على العضم والأسنان وتقريباً دول أكتر حاجتين بيتصابوا فى الشتاء.
قوليلنا يا هانم على الرياضة إللي بتلعبيها في الشتاء؟
كل الهوانم الفترة دي لازم يهتموا بصحتهم وتقوية مناعتهم علشان كده لازم تحافظي على جسمك من أي أمراض منتشرة
– لازم تاكلي كل يوم وجبة متكاملة متوفر فيها كل العناصر الغذائية
“خضراوات، فاكهة أوعصاير طازة ” علشان تستفيدي بكل الفيتامينات الموجودة فيهم لأن جسمك محتاج نسبه كبيرة من الألياف والفيتامينات
– مهم جداً لكل هانم إنها تتعرض للشمس بشكل مباشر كل يوم لأنها بتزود جسمك بالكالسيوم وفيتامين د المسؤول عن تقوية العظم والمناعة
– أخيرا ممارسة رياضة المشي كل يوم نص ساعة على الأقل حتى لو في البيت علشان تحافظي على تدفق الدم بشكل سليم فى الجسم كله وتفضل صحتك صحة هوانم
