الهانم الشاطرة هي إللي بتعرف تظبط الأكل على مزاجها العالي علشان كده لو باقي كفتة من أكل إمبارح أو لحمة مفرومة أو حتي لحمه عادية أو فراخ، هنعمل بيهم أحلى صينية، ركزي معايا يا هانم، الأكلة دي ممكن تتاكل مع سلطة خضار أو خضار سوتية أو باستا حمرا، تابعي الخطوات وبالهنا والشفا.
#اطبخي_الطبيخ #قصة تانية_خالص
البطاطس من أكتر الأكلات إللي ممكن تتعمل بأكتر من طريقة وتدينا طعم مختلف… النهارده هنجرب طريقة جديدة للبطاطس “بطاطس بيوريه باللحمة المفرومة”
التسالي مفيش أحلى منها ويا سلام لما تكون بطاطس مع الفيلم إللي بتحبيه عشان كده دي كام طريقة من الهانم علشان يبقى عندكوا اختيارات للتسالي أو نعملهم كلهم مرة واحدة ونستمتع أكتر بكل طعم البطاطس
الفريسكاس:
كيلو بطاطس متقطعة صوابع – كوباية دقيق – 2ملعقة بيكنج باودر – نصف ملعقة بابريكا – نصف ملعقة كركم – كوباية مياه
الطريقة : اخلطي كل المكونات كويس وسيبيها في الثلاجة ساعة سخني زيت القلي كويس وسيبي البطاطس تتحمر وخليكي متابعة
البطاطس بالخل والملح:
بطاطس صوابع الكمية حسب الرغبة – مياه – خل – ملح هننقع البطاطس في المكونات لمدة ساعة وبعدين هنحمرها في زيت سخن جدا
البطاطس الودجيز:
3 بطاطس متقطعة أجنحة – كوباية دقيق – 2 ملعقة بيكنج باودر- ملعقة صغيرة كركم- ملعقة صغيرة شطة – ملح وفلفل – 2 ملعقة زيت هنضيف كل المكونات على البطاطس وفي بيركس في الفرن لمدة نصف ساعة
البطاطس اللبناني:
كيلو بطاطس مكعبات – فصوص ثوم – ربع كوب كزبرة خضرا مفرومة – 2 ملعقة زيت زيتون- بابريكا – بودرة فلفل أحمر حار – ملح وفلفل – عصير ليمون في طاسة هنحمر فيها البطاطس المكعبات لحد ما يبقى لونها ذهبي وفي طاسة تانية هنسخنها ونضيف فيها كل المكونات ونقلب كويس وبعدين نضيف البطاطس الذهبية ونقلب لمدة دقيقة وتبقى جاهزة للتقديم وبالهنا والشفا يا هوانم
