جربي مع الهانم أجدع سندوتش بلدي من غدا إمبارح

ومستحيل حد هيعرف إنه بايت ولا من شاف ولا من دري

#الهانم #قصة_تانية_خالص

على قد الإيد.. أحلى مقبلات من غير تكاليف

في رمضان زي مابتحلى اللمة، بيحلى كمان الأكل وتفاصيله، ولأن المقبلات المقلية مهمة خالص في رمضان عشان دايمًا بتتخطف أول ما المدفع يضرب، الهانم  النهاردة هتقدملك مقبلات جديدة خالص وكمان من أكل إمبارح وبميزانية خفيفة وعلى قد إيدك.

#أطبخي_الطبيخ في #رمضان #قصةتانية_خالص

أكلة صحية بميزانية خفيفة

الأكل الصحي مش لازم يكون سعره غالي، ولا ضروري تكون تفاصيله كتيرة، مع وصفات الهانم هتعملي أطباق خفيفة وصحية ويمزانية على قد جيبك، المرة دي هنعمل طبق خفيف من أكل إمبارح بس بيشبع ويسد ومفيد خالص وكمان بيقوي المناعة، لو عندك فراخ مشوية سواء كنتِ جيباها جاهزة أو عملاها، الهانم هتقولِك على أحسن طبق سلطة هيفرق معاكي.

جربي وصفة جديدة من الهانم 

كلنا عارفين وحافظين اللحمة المسلوقة وتفاصيلها، وانها من أكتر الحاجات اللي بتفيض من أكل إمبارح، الهانم بتقولك مش هتحتاري ولا هنركن بواقي اللحمة في التلاجة لحد ماشكلها يتغير، مع الهانم اللحمة المسلوقة هتبقى أكلة جديدة وطعمها حاجة تانية خالص، بخطوات بسيطة هتقدري تبهري كل البيت.

وصفة جديدة عشان تعملي أحلى صينية بتنجان

البتنجان من أشهر وأبسط الأكلات على السفرة المصرية، ودايمًا حاجز لنفسه ركن لوحده في المطبخ المصري، لو بتحبى البتنجان هنقولك على طريقة ممتعة جدًا وكمان تستخدمي فيها أى بواقى لحوم من إمبارح، لو باقى عندك فراخ أو سجق معمولين بأى طريقة هنعمل بيهم صينية بتنجان عالمية في كام خطوة بسيطة وبالهنا والشفا.

#الهانم #قصة_تانية_خالص

لو محتارة تعملي ايه ببواقي الفراخ البانيه.. الحل عند الهانم

من غير ماتتعبي ولا تحتاري، بطرق بسيطة وسهلة مع الهانم، هتعرفي تستغلي كل تفصيلة عندك في المطبخ من غير مانرمي حاجة، لو عندك فراخ بانية متحمرة من إمبارح ممكن جدا تعمليها مع رز وتبقى فراخ سويت أند سور، يعني أكلة جديدة وطعمها لذيذ ومستحيل أطفالك يكتشفوا إنها من أكل إمبارح، وبالهنا والشفا ياهوانم، ابعتي قوللينا يا هانم عندك أكل إيه من إمبارح ؟وإحنا هنقترح عليكي الأكلة الجديدة.

#اطبخي_الطبيخ #قصةتانية_خالص

طريقة عمل الفتة 

طبق الفتة المعتبر من الأكلات الفخمة على السفرة المصرية، ممكن بتفاصيل بسيطة ومن غير ماتكلفي نفسك كتير نعمل أحلى طبق فتة على كيفك، لو عندك رز بسمتى من إمبارح أو حتى رز عادي وبواقى فراخ أو لحمة اعملي طبق فتة شامي من أكل إمبارح بخطوات سهلة ومن غير تعب، وبالهنا والشفا يا هوانم.

#اطبخي_الطبيخ #قصةتانية_خالص

طريقة عمل صينية الخضار بالبشاميل

الإبداع مش في الرسم والفن بس، الأكل دايمًا فيه إبداع، والإبداع الأكبر لما تعملي أكلة من أصل أكلة قديمة، توفير في الوقت والمجهود وكمان الفلوس، علشان كدة لو عندنا من إمبارح خضار بالصلصة أي نوع أو حتى أنواع كتير هنعمل صينية خضار جديدة بمكونات بسيطة وخفيفة على الميزانية، وبالهنا والشفا يا هانم.

 #اطبخي_الطبيخ  #قصة تانية_خالص

طريقة عمل صينية البطاطس

الهانم الشاطرة هي إللي بتعرف تظبط الأكل على مزاجها العالي علشان كده لو باقي كفتة من أكل إمبارح أو لحمة مفرومة أو حتي لحمه عادية أو فراخ، هنعمل بيهم أحلى صينية، ركزي معايا يا هانم، الأكلة دي ممكن تتاكل مع سلطة خضار أو خضار سوتية أو باستا حمرا، تابعي الخطوات وبالهنا والشفا.

#اطبخي_الطبيخ #قصة تانية_خالص