اتيكيت

الهانم لسه مستمرة معاكوا في حصص الإتيكيت علشان الهوانم هما أصل الإتيكيت.. يلا نتعلم مع بعض النهاردة إتيكيت الحفلات والمناسبات:

– أول حاجه لو لاحظتي سقوط حد من الحاضرين مثلا متلفتيش نظر الباقي أو تلفتي نظر صاحب الموقف.

– تاني حاجة متسيبيش الحفلة من أولها إلا بعد إعتذار مقبول لأصحاب المناسبة وبلاش تخرجي وتختفي عن الأنظار بشكل مفاجىء.

– ثالث حاجة لو الدعوة تمنع اصطحاب الأطفال فالأفضل احترام الدعوة.

– رابع حاجة وأهم حاجة حافظي على ابتسامتك المميزة مهما كانت الظروف وخليكي عارفة إن الابتسامة هي بداية أى إحساس بالسعادة.

الهانم الصغيرة ست بيت المستقبل إللي بتدرس وبتشتغل في نفس الوقت ..الهانم بتقدملك حصة الإتيكيت في «ترتيب السفرة» علشان تفاجئى عيلتك بالترتيب الصح

– احرصى على فرش النايلون المخصص للأكل، بس يكون الحجم مناسب لعدد الأشخاص، علشان المكان ميكنش ضيق.

– وزعي الأطباق بطريقة تكون قريبة من كل الأشخاص

– رتبي الشوك والملاعق والسكاكين جنب الأطباق، بحيث يكون الطبق في النص.

– حطي كوبايات المياه والعصير على يمين الطبق

– زينى السفرة بأى نوع من الزهور