طاجن اللحمة والخضار على الطريقة التركية
98 مشـاهدة
منذ 11 شهر
كلنا بنحب اللحمة بس مش كلنا بنحبها بالخضار، النهاردة الهانم جايبالك وصفة عشان تجمعي بين اللحمة والخضار في طاجن التورلي بطريقة جديدة من تركيا مع الشيف شريف عفيفي.
حضــــــــري
تتبيلة اللحمة:
1 كيلو قطع لحمة ضاني
ملح وفلفل أسود
معلقة زعتر
معلقة بابريكا
معلقة سمنة الهانم
نصف معلقة شرائح ثوم
تتبيلة الخضار:
معلقة كبيرة سمنة الهانم
معلقتين كبار معجون الطماطم
كوب وربع مياه
ملح وفلفل أسود
بابريكا
العجينة:
كوب دقيق أبيض
نصف كوب مياه
نصف معلقة كبيرة زيت نباتي
نصف معلقة صغيرة خميرة فورية
ربع معلقة صغيرة ملح
رشة صغيرة سكر
الـطــريـقـــــة
خـطوة 1
في البداية نتبل اللحمة ونمزج المكونات مع بعض ونسيبها في التتبيلة في التلاجة لحد ما نجهز الخضار.
خـطوة 2
في حلة نخلط البصل والثوم المهروس ونرص دوائر الخضار وشريحة من البطاطس والبتنجان والكوسة والطماطم.
خـطوة 3
نجهز التتبيلة ونبدأ بسمنة الهانم ومعلقتين كبار من معجون الصلصة وملح وفلفل أسود ومعلقة كبيرة من البابريكا وكوب وربع من المياه بعدها نصب الخليط في طاجن الخضار.
خـطوة 4
نحمر اللحمة في معلقتين سمنة الهانم لحد ما تسخن وتتحمر من كل الجوانب، نضيف الزعتر الأخضر على اللحمة و3 فص ثوم ونسيبها شوية.
خـطوة 5
نضيف اللحمة فوق الخضار في طاجن الفخار وفوقها شرائح الفلفل الرومي الأخضر وقرن فلفل حامي، نغطيها كويس الفرن على درجة حرارة 180 لمدة ساعة ونص.
خـطوة 6
نجهز العجينة ونبدأ نحط الدقيق في بولة مع رشة ملح وسكر وخميرة وزيت ونصف كوب من المياه ونعجن كويس لحد ما تبقى العجينة طرية ونسيبها تتخمر نص ساعة.
خـطوة 7
بعد ما تتخمر نفردها على رخامة مرشوشة بالدقيق ونفرد العجينة بالنشابة على شكل دائري.
خـطوة 8
بعد ما اللحمة تستوي مع الخضار نخرجها من الفرن ونضيف العجينة على الفخار ونضغط على الأطراف لحد ما تتقفل وندهن الوش بصفار البيض مع رشة حبة البركة وندخلها الفرن ربع ساعة.
