الملوخية بالجمبري
106 مشـاهدة
منذ 5 أشهر
كل وصفات الصيف كوم ووصفة الملوخية بالجمبري كوم تاني مع الهانم بطعم وريحة الزبدة الصفرا، الغدا النهاردة وصفة طعمها يجنن مع الشيف دعاء السمنودي.
حضــــــــري
نصف كيلو ملوخية خضراء
مرقة الجمبري:
2 معلقة كبيرة سمنة الهانم
جمبري وسط مقشر
قشر جمبري
بصلة أرباع
جزرة مكعبات صغيرة
ورق لاورا
حبهان صحيح
مستكة صحيحة
ملح وفلفل أسود
الطشة:
معلقة كبيرة سمنة الهانم
معلقة كبيرة ثوم مفروم
كزبرة جافة
الـطــريـقـــــة
خـطوة 1
في حلة سخنة على النار نضيف سمنة الهانم وعليها قشر الجمبري، نشوحه كويس جدا بعدها نضيف عليه البصل والجزر وورق اللورا والحبهان ونكمل تشويح مع بعض.
خـطوة 2
نضيف المستكة ونقلب لحد ما تسخن وتسيح ونضيف الماء المغلي والملح والفلفل الأسود ونقلبهم مع بعض ونسيبهم لحد ما يغلوا مع بعض وتتكون الشوربة وبعد كده نصفيها.
خـطوة 3
هنعمل الطشة في طاسة صغيرة سخنة على النار وهنضيف معلقة كبيرة سمنة الهانم ومعاها الثوم والكزبرة الجافة ونقلبهم مع بعض كويس.
خـطوة 4
في حلة تانية نضيف الشوربة وعليها الثوم المفروم والكزبرة الجافة والجمبري الوسط المقشر ونقلبهم مع بعض كويس جدا، في الآخر نضيف عليها الملوخية ونقلب ونسيبها شوية ونطشها بالطشة.
