شوربة السبانخ بالكريمة - El Hanim
شوربة السبانخ بالكريمة

شوربة السبانخ بالكريمة

اعجــاب
19 مشـاهدة
منذ شهرين

الشوربة أهم مصدر دفا في الشتاء لأنها بتدفينا من جوه، الهانم جايبة لك وصفة شوربة السبانخ بالكريمة بطعم وريحة الزبدة الصفرا عشان تشربيها وتعومي فيها.

حضــــــــري

2 ملعقة سمنة الهانم

1 بصل متقطعة ناعم

2 فص ثوم مفروم

100 جرام سبانخ متقطعة ناعم

2 مكعب مرقة فراخ

2 كوب لبن

1 قطعة قشطة

ربع ملعقة صغيرة فلفل أبيض

5 قطع بواقي عيش

الـطــريـقـــــة

خـطوة 1
نقلي البصل والثوم في سمنة الهانم لحد ما لونهم يبقى دهبي، نضيف عليهم السبانخ ونقلبهم مع بعض لحد ما تستوي.
خـطوة 2
نضيف مرقة الفراخ ونخلطها كويس مع السبانخ المطبوخة وخليط البصل.
خـطوة 3
نضيف اللبن ونخلطه كويس ونسيب الخليط على نار متوسطة لمدة 5 - 10 دقائق.
خـطوة 4
نرفع الشوربة من على النار ونضربها في الخلاط كويس لحد ما يبقى القوام متجانس وتقيل.
خـطوة 5
نرجع الشوربة على نار متوسطة و نقلبها كويس لحد ما تغلي، بعدها نضيف القشطة مع التقليب وبعدين الفلفل الأبيض.
خـطوة 6
نرفع الشوربة من على النار ونزين وشها بفتافيت العيش ونقدمها سخنة.

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً