شوربة البروكلي
1٬185 مشـاهدة
منذ 3 سنوات
لما بيكون في صنف شوربة مع الاكل كلنا بنبدأ بيها علشان تفتح نفسنا، تعالوا نعمل شوربة جديدة طعمها تحفه ومحدش هيقدر يقاومها.
جربي وصفة شوربة البروكلي بالجبنة الشيدر المفيدة خالص من الهانم.
حضــــــــري
٣ بروكلي متقطعة
٦ ملعقة سمنة الهانم
٣ مكعب مرقة دجاج
بصلة متقطعة
نصف كوب دقيق
٢ كوب لبن
جبنة شيدر مبشورة
فلفل أسود مطحون
الـطــريـقـــــة
خـطوة 1
نحط البروكلي في حلة كبيرة على نار متوسطة، ومعاها مرقة الدجاج وقلبيهم لمدة ١٥ دقيقة.
خـطوة 2
نحط السمنة في قلاية على نار هادية لحد ما تسيح، ونضيف البصل عليها لحد ما يتحمر.
خـطوة 3
نضيف الدقيق على البصل ونقلبهم مع بعض شوية، ونضيف عليهم اللبن تدريجياً ونقلبهم لحد ما يبقى القوام متماسك.
خـطوة 4
نضيف البروكلي على مزيج الدقيق ونقلب بالراحة شوية، وبعدها نضيف الجبنة الشيدر ونقلب الخليط لحد ما يدوب في بعضه.
خـطوة 5
نقدم الشوربة سخنة ونرش عليها فلفل أسود.
