الكبيبة المحشية بالأرز - El Hanim
الكبيبة المحشية بالأرز

الكبيبة المحشية بالأرز

اعجــاب
374 مشـاهدة
منذ سنتين

السفرة لما تكون كبيرة وعليها كل ما لذ وطاب يا هوانم، ناقصها صنف للنأنأة في نص الأكل زي الكبيبة المقلية..

حضــــــــري

ربع كيلو لحمة مفرومة

١ بصل متوسط ومتقطع

١ طماطم متوسطة ومتقطعة

١ ملعقة كبيرة سمنة الهانم

١ كوب زيت

٢ فص ثوم

نصف ملعقة بودرة ثوم

نصف ملعقة بودرة بصل

نصف كوب برغل ناعم

ملح وفلفل أسود

بهارات لحمة

٢ كوب مياه

نصف كوب أرز مصري مستوي

الـطــريـقـــــة

خـطوة 1
نحط اللحمة المفرومة في الكبة ونضيف عليها البصل والثوم والبرغل والملح والفلفل الأسود والبهارات ومعلقتين مياه ونخلطهم مع بعض كويس.
خـطوة 2
نحط الخليط في طبق غويط ونعجنه بايدينا ونغطيه ونخليه على جنب.
خـطوة 3
على طاسة على النار نسخن السمنة ونحط عليها لحمة مفرومة ونسيبها نصف دقيقة من غير تقليب وبعد كده نبدأ نقلبها ونضيف على اللحمة الطماطم والبصل والملح والفلفل وبودرة البصل والثوم ونقلبهم مع بعض كويس.
خـطوة 4
بعد ما الطماطم تنزل المياه بتاعتها، نضيف الأرز المستوي عليها ونعلي النار ونقلبهم مع بعض وبعدين نضيف ربع كوب مياه علشان النكهات تنجسم مع بعضها ونسيبها شوية تبرد.
خـطوة 5
خلي ايدك مبلولة بالمياه وهاتي قطعة من العجينة، اضغطيها وشكليها على شكل الكبيبة وبعدين احشيها بالحشوة واتأكدي أنها مقفولة كويس ومفيهاش أي شقوق.
خـطوة 6
سخني الزيت على نار متوسطة واقلي الكبيبة لحد ما تتحمر من كل الجهات.
خـطوة 7
قدمي الكبيبة محشية أرز سخنة ومعاها طبق مايونيز.

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً