كيكة المانجة
535 مشـاهدة
منذ سنتين
في حاجتين بيلطفوا الجو.. البحر أو المانجة، اعملي كيكة مانجة مع الهانم علشان تبسطي عيلتك وتحسي بروقان الصيف.
حضــــــــري
٢ ملعقة كبيرة سمنة الهانم
٦ بيض
١ كوب سكر
١ ملعقة كبيرة جوز الهند مبشور
١ كوب دقيق
٢ ملعقة صغيرة بايكنج باودر
١ ملعقة صغيرة ملح
١ ملعقة صغيرة سيرب فانيليا
ربع كوب جبنة كريمي
١ كوب ونصف كريمة خفق
ربع كوب سكر
قطع صغيرة مانجة طازة
الـطــريـقـــــة
خـطوة 1
هنسخن الفرن على ١٦٠ درجة مئوية ونغلف صينيتين بورق زبدة.
خـطوة 2
هنضرب البيض والسكر في طبق غويط في خلاط الكهربا علي سرعة عالية لمدة ٥ دقائق، بعدين هنزود جوز الهند والدقيق والبايكنج باودر والملح وسمنة الهانم والفانيليا ونخلط على سرعة متوسطة لحد ما الخليط يبقى متماسك ونحط نصه في صينية والنص التاني في الصينية التانية.
خـطوة 3
هندخل الصواني الفرن لمدة ٤٠ دقيقة وبعد ما يتخبزوا، هنسيبهم يبردوا.
خـطوة 4
لتحضير الكريمة هنخلط الجبنة الكريمي والسكر وسيرب الفانيليا، وفي طبق تاني نضرب كريمة الخفق وهنحطها فوق المزيج التاني.
خـطوة 5
هنحط أول كيك في طبق التقديم وندهن الوش بالكريمة وهنحط قطع المانجة فوقها، بعدين نحط الطبقة التانية من الكيك على الوش وندهنها هي والجوانب بباقي الكريمة.
خـطوة 6
هنقدم كيكة المانجة باردة وهنزين وشها بقطع المانجة.
