طريقة سهلة وبسيطة لعمل أحلى كيزر للبرجر
527 مشـاهدة
منذ سنة واحدة
طريقة عمل كيزر البرجر
البرجر من أكتر الأكلات اللي الكبار والأطفال بيحبوها، وعشان تعملي برجر زي بتاع المطاعم في البيت، لازم كل تفاصيله تبقى مظبوطة وفريش، لو ولادك نفسهم في برجر بيتي، يبقى لازم لقمة العيش الكيزر تبقى طازة، جربي مع الهانم وصفة عيش البرجر ومش هيطلبوه من برة البيت تاني.
حضــــــــري
١ ملعقة صغيرة سمنة الهانم
١ كيلو دقيق
١٠ جرام ملح
٥٠ جرام حليب بودر
٥ جرام محسن كيك جيل
١٥٠ جرام مياه فاترة
٥٠ جرام سكر
٢٠ جرام خميرة فورية
٤٠٠ جرام مياه مثلجة
١ بيض
١ كيس فانيليا
نصف كوب حليب
نصف كوب سمسم أبيض
الـطــريـقـــــة
خـطوة 1
في حلة كبيرة نخلط الدقيق والملح والحليب وسمنة الهانم ومحسن الجيل.
خـطوة 2
في حلة تانية صغيرة نخلط السكر والخميرة والمياه الفاترة مع بعض وبعدها نضيفها على الدقيق.
خـطوة 3
ننزل بالمياه الباردة على الدقيق تدريجيا ونسيب العجينة تتخمر لحد ما حجمها يكبر.
خـطوة 4
نشكل العجينة على شكل كرات متساوية ونسيبها تتخمر لمدة ٣٠ دقيقة، بعدها نرش عليها الحليب مع البيض والسمسم.
خـطوة 5
ندخلها الفرن على درجة حرارة ٢١٥ لمدة ٢٠ دقيقة.
