فطيرة الجبنة بطريقة الهانم
666 مشـاهدة
منذ سنتين
الهانم هتعملكم أحلى فطيرة جبنة، هتجربوها بطعم وريحة الزبدة الصفرا مع سمنة الهانم الجديدة خالص.
حضــــــــري
– ۲ كوباية دقيق
– ٤ ملعقة سمنة الهانم
– ۲ ملعقة زيت
– ملح وفلفل اسود حسب الرغبة
– كوباية مياه دافية
مقادير الحشو:
– ۱ طماطم متقطعة مربعات
– ۱ فلفل رومي أخضر وملون متقطع مربعات
– فلفل حار (حسب الرغبة)
– نصف كوباية جبنة رومي
– نصف كوباية جبنة شيدر
– نصف كوباية جبنة موتزاريلا
– ربع كوباية جبنة بيضة
الـطــريـقـــــة
خـطوة 1
افركي الزيت وسمنة الهانم مع الدقيق، ضيفي المياه تدريجي واعجنيهم، سيبي العجينة ترتاح شوية.
خـطوة 2
نظفي الرخامة كويس وقسمي العجينة لأربع قطع، افردي كل قطعة بالنشابة وخليها رقيقة خالص، حطي واحدة تانية في وسطها وافردي مرة تانية وبعد أول قطعتين، ضيفي المكونات كلها وسيبي مساحة خفيفة من على الجوانب. افردي قطعتين تانيين زي أول وثاني قطعة، ارفعيها مفرودة وغطيها.
خـطوة 3
اقفلي الجوانب كويس وسخني الفرن على درجة حرارة ١٨٠ وسيبيها لمدة من ۲۰ إلى۳۰ دقيقة.
خـطوة 4
قدميها مع الكاتشب والهوت صوص.
