بسكوت ال 10 دقايق
قاعدين في البيت الفترة دي ما بنعملش حاجة غير إننا بناكل ونتفرج على التليفزيون وعشان كده الهانم حبت تكسر الملل ده وتقولك على وصفة بسكوت جميل وما بياخدش أكتر من 10 دقائق في تحضيره
وبألف هنا يا هوانم #وصفات_الهانم #قصةتانية_خالص
حضــــــــري
4 كوبيات دقيق
نصف كوب من سمنة الهانم
نصف كوب زيت
2 ملعقة صغيرة بيكنج بودر
2 كيس فانيليا
2 بيضة
كوب سكر مطحون
رشة ملح
*ملحوظة : هاتعايري كل المقادير بنفس الكوب
الـطــريـقـــــة
خـطوة 1
هتضيفى السمنة والزيت والبيض مع بعضهم مع السكر وتضربيهم فى الخلاط وبعدين تنزلي عليهم بالدقيق والبيكنج بودر
خـطوة 2
إعجنى بإيدك لحد ما تخلي العجينة ما تلزقش في إيدك
خـطوة 3
لو حابة تعملي البسكوت بالكاكاو شيلي جزء من العجينة وضيفي عليها ملعقة كبيرة كاكاو وطريها بلبن لو ناشفة وبعدين كوري وشكلي زي ما انتي حابة
خـطوة 4
الفرن يكون ناره هادية جداً عشان ما يتحرقش منك وتخرجيه بنفس اللون ده
4 تعليقات
تحفة
سعداء برأيك جدا 😍♥
جميلة
مافيش اجمل منك يا هانم 😍