البكاكين الفلاحي
399 مشـاهدة
منذ سنتين
يوم سعدهم وهناهم لما الهانم تقرر تخبز في البيت لأن ريحة الخبيز بترد الروح وتملى المكان بركة وخير، النهاردة هنقولك وصفة هوانم للبكاكين الفلاحي.
حضــــــــري
نصف كوب سمنة الهانم
نصف كوب زيت
١ كيلو دقيق
٢ ونصف كوب حليب رايب
٢ ملعقة كبيرة سكر
١ ملعقة كبيرة بيكينج باودر
٣ ملعقة كبيرة قشطة
نصف كوب حليب باودر
نصف كوب مياه دافئة
١ ملعقة صغيرة ملح
١ ملعقة كبيرة خميرة
الـطــريـقـــــة
خـطوة 1
في حلة نحط الخميرة والسكر والمياه ونسيبهم مع بعض يخمروا لمدة ١٠ دقائق، وبعد كده نضيف سمنة الهانم سايحة والقشطة ونخلطهم ببعض كويس.
خـطوة 2
نخلط الدقيق مع البيكنج باودر ورشة ملح وبعدها نضيفه على الخليط، ونخلط المكونات مع بعض ونعجنها لمدة ربع ساعة، بعدها نلم العجينة ونغطيها ونسيبها تتخمر لمدة ساعة.
خـطوة 3
بعد التخمير نرش شوية دقيق على صينية، ونقطع العجينة قطع صغيرة على شكل كرات ونرصها جنب بعض وبعدها نسيبها ترتاح شوية.
خـطوة 4
نفرد كرات العجينة ونخلي سُمكها نص سم ونحط فوقها فوطة لمدة ربع ساعة.
خـطوة 5
نسخن صينية في الفرن على درجة حرارة ٢٤٠ لمدة ٥ دقائق.
خـطوة 6
نقدم البكاكين الفلاحي سخنة وندهن وشها بسمنة الهانم.
