محشي التفاح
669 مشـاهدة
منذ 3 سنوات
تفاحة في اليوم تغنيكي عن الدكاترة..
لو عايزة تحلية لذيذة ومفيدة للمناعة في الشتاء، شوفي مع الهانم وصفة محشي التفاح الغني بڤيتامين سي.
حضــــــــري
٢ تفاح
١ ملعقة سمن الهانم كبيرة
١ كوب توت طازج
٢ ملعقة عسل كبيرة
ربع ملعقة حبهان مطحون
٦ حبات تمر منزوع النواة
١ كوب عصير برتقال
١ قشر برتقال
ربع كوب مياه
الـطــريـقـــــة
خـطوة 1
سخني الفرن على ٢٠٠ درجة مئوية وقطعي الجزء العلوي من التفاح وخليه على جنب وبعد كده قوري التفاح وخرجي منه اللب.
خـطوة 2
نبدأ تحضير الحشوة ونسخن السمنة على نار هادية لحد ما تدوب ونضيف التوت والعسل والحبهان والتمر وعصير البرتقال وقشره ونقلبهم مع بعض كويس لمدة ٤ دقائق.
خـطوة 3
احشي التفاح بالخليط واقفلي عليه بالجزء العلوي اللي قطعناه.
خـطوة 4
نرص التفاح في صينية كبيرة ونضيف عليها المياه ونغطيها بورق الفويل.
خـطوة 5
ندخل الصينية الفرن ونسيبها تستوي لمدة ٣٠ دقيقة وبعدين نشيل ورق الفويل ونصفيها من المياه وبعدها نرجعها الفرن تاني لمدة ١٥ دقيقة لحد ما تتحمر.
خـطوة 6
قدمي محشي التفاح سخن ومعاه مشروب سخن.
