نخلط كل المكونات الجافة مع بعض ونقلب كويس، نضيف البيضة مضروبة مع الفانيليا ونلف العجينة لحد ما تتشرب العجين بالبيضة، نضيف سمنة الهانم الدايبة بس أهم حاجة تكون دايبة وباردة مش سخنة ونعجن لحد ما سمنة الهانم تدوب كويس وسط المكونات وننزل بالمياه الدافية ونعجن كويس لمدة ۲۰ دقيقة ونسيبها ترتاح ساعة او أكتر.

نفرد العجينة بسُمك متوسط ونفرد عليها العجوة ونقفلها من الجوانب ونبرمها على الرخامة لحد ما تمط شوية، نبططها بكف الإيد بخفة ونقطعها وبعدين نرصها فى صينية مش مدهونة بحاجة ونسيبها ترتاح لمدة ۱۰ دقائق ونغطيها.

هنخفف البيض بشوية مياه وندهنه على الوش ونرش عليه سمسم وتدخل فرن ساخن على درجة ۱۸۰ درجة لمدة من ۲۰ إلى ۲٥ دقيقة.

هنقدمها مع أحلى كوباية شاي باللبن من ايدك يا هانم.