قرع العسل
836 مشـاهدة
منذ 3 سنوات
هتعملي أحلى صينية قرع عسل هتاكليها في حياتك بطريقة الهانم الجديدة خالص.
حضــــــــري
حبة قرع عسل
كوباية ونصف سكر
نصف كيلو لبن
كوب مياه
۳ ملعقة كبيرة سمنة الهانم
۳ ملعقة كبيرة دقيق
الـطــريـقـــــة
خـطوة 1
أول حاجة هنقشر القرع ونقطعه مكعبات.
في حلة هنضيف مياه والقرع والسكر بعد ما يستوي كويس وبعدين هناخد المياه اللي اتسلق فيها علشان نعمل بيها البشاميل.
خـطوة 2
نهرس القرع كويس جدًا لحد ما يبقى ناعم خالص.
خـطوة 3
فى حلة على النار هندوب سمنة الهانم ونضيف الدقيق ونقلب كويس لحد ما الدقيق ياخد لون ونضيف المياه ومياه القرع تدريجيًا ونقلب لحد ما يكون بشاميل له سُمك ونظبط السكر بتاع البشامبل حسب الرغبة.
خـطوة 4
هنحضر صينية فرن هنحط فيها طبقة بشاميل وبعدين طبقة من القرع المهروس وفي الآخر طبقة بشاميل على الوش وبعدها هندخل الصينية الفرن فى درجة حرارة متوسطة لحد ما اللون يحمر.
خـطوة 5
هنقدم القرع بعد وجبة الغداء لوحده كده كفاية وبالهنا والشفا.
