دوناتس بالسكر
556 مشـاهدة
منذ سنتين
النهارده فرصة حلوة علشان تنبسطي وتعملي حاجة حلوة تلم شمل العيلة وتشحن طاقة إيجابية.
حضــــــــري
١ ملعقة كبيرة سمنة الهانم
١ كوب ونصف دقيق
١ ملعقة صغيرة بيكينج باودر
١ ملعقة كبيرة سكر ناعم
ربع ملعقة ملح
١ بيض
١ كوب ونصف لبن بودرة
١ كوب ونصف فانيليا
نصف ملعقة سكر
زيت للقلي
الـطــريـقـــــة
خـطوة 1
في بولة هنضرب البيض والسكر والفانيليا بالمضرب أو معلقة، في بولة تانية نضيف الدقيق مع البيكينج باودر والملح واللبن البودرة ونخلطهم مع بعض كويس، بعدها نضيف خليط الدقيق مع البيض ونقلبهم كويس.
خـطوة 2
نعجن العجينة ونضيف عليها مياه دافية على مرتين، بحيث إنها متكونش طرية قوي ولا ناشفة قوي، بعدها نشكلها على شكل كرات.
خـطوة 3
نمسك كل كورة ونفردها بكف إيدينا ونعمل ثقب متوسط في النص.
خـطوة 4
نسخن الزيت شوية وبعدها ننزل فيه الدوناتس كل واحدة لوحدها بالراحة، نخلي النار متوسطة مش عالية ونستنى لحد ما تستوي ولونها يتغير.
خـطوة 5
قدمي الدوناتس باردة وزيني وشها بسكر ناعم.
