الهريسة الإسكندراني - El Hanim
الهريسة الإسكندراني

الهريسة الإسكندراني

اعجــاب
422 مشـاهدة
منذ سنتين

إسكندرية في الشتاء قصة تانية خالص واللي زارها لازم يجرب حلوياتها..

الهانم هتجبلك الهريسة الإسكندراني اللي بتحبيها لحد عندك، اعمليها بوصفة دافية وسهلة خالص.

حضــــــــري

٥٠٠ جرام سميد بسبوسة

١٠٠ جرام سمنة الهانم

٢٥٠ جرام سكر

٥٠ جرام عسل جلوكوز

١٥٠ مل لبن

١٢٥ جرام جوز هند

١٠٠ جرام دقيق

الحشو

١٠٠ جرام دقيق سيمولينا

١٠٠ جرام سكر

١٠٠ جرام مكسرات

٥٠ جرام سيرب تقيل

شربات ثقيل

الـطــريـقـــــة

خـطوة 1
في طاسة على النار نسخن السمنة واللبن، وبعد شوية نسيبهم يبردوا.
خـطوة 2
في بولة نضيف سميد البسبوسة والسكر وعسل الجلوكوز وجوز هند والدقيق والسمنة واللبن ونعجنهم مع بعض كويس.
خـطوة 3
في بولة تانية نعمل الحشو، نضيف دقيق السيمولينا وسكر والمكسرات والسيرب ونقلبهم مع بعض كويس.
خـطوة 4
نحضر صينية وندهنها بسمنة الهانم، ونحط طبقة من العجينة وبعدين نضيف طبقة حشو، وفوق الحشو نضيف طبقة تانية من العجينة، ونضغط عليها علشان تبقى متماسكة.
خـطوة 5
نقطعها مربعات أو مستطيلات بالسكينة، ونزينها بالسوداني والبندق، وندخلها الفرن على ١٨٠ درجة لمدة ٣٠ دقيقة لحد ما تستوي.
خـطوة 6
في حلة على النار نعمل الشربات، نضيف الماء والسكر وعصير ليمون ونسيبه ياخد غلوة، ولما الهريسة تستوي نسقيها بالشربات وهي سخنة.
خـطوة 7
قدمي الهريسة باردة وزينيها بالمكسرات.

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً