في حلة على النار هنضيف كوباية سكر وعليها نصف كوباية مياه ونسبها على النار لحد ما يكون لونها كراميل "بس بلاش تبقى غامقة علشان طعمها ميكونش محروق" اول ما توصل للون الكراميل هنوطي النار ونضيف كوباية لبن سخنة ونصف كوباية سمنة الهانم دايبة ونقلب كويس جدا وهي على النار لحد ما تحسي ان كل السكر داب تماما

هنرفع الحلة من على النار علشان نكمل باقي المقادير هنضيف ملعقة البيكنج بودر ونقلب ونضيف سميد البسبوسة ونقلب لحد ما نتاكد ان كل المكونات بقت خليط واحد

في صينية هندهن سمنة الهانم ونضيف عليها الخليط الجاهز ونسويه كويس "وأهم حاجة ارتفاع البسبوسة في الصينية يكون سنتيمتر بالظبط"هنقطعها بالسكينة ونضيف عليها المكسرات

هنسبها في الفرن 15 دقيقة ونشغل الشواية لمدة 3 دقايق اول ما تخرج من الفرن هنضيف الشربات سخن