وصفة جديدة.. نجرسكو من أكل امبارح
594 مشـاهدة
منذ سنتين
مش هايعرفوا ان ده أكل امبارح..!
تكرار نفس نوع الأكل حاجة مش محبوبة قوي عند الكُبار والصغيرين، وفي نفس الوقت لما بيتبقى أكل بنبقى محتارين نستغله إزاي في حاجة جديدة ومختلفة، الهانم النهاردة هاتغششك طريقة النجرسكوا، لو متبقي عندك فراخ مسلوقة، جاهزة ياهانم..! هيا بنا نفعل المعجزات.
حضــــــــري
– 2 ملعقة سمنة الهانم
– فراخ مسلوقة من امبارح
– خضار المتاح
– كيس مكرونة شرايط مسلوقة
– 2 كوباية بشاميل
– ربع كوباية جبنة النوع حسب الرغبة
– ملعقة كركم
– ملعقة بودرة ثوم
– بصلة متقطعة مربعات شرايح
– 3 ملعقة ليمون
الـطــريـقـــــة
خـطوة 1
في طاسة على النار هنضيف ملعقة سمنة الهانم وعليها البصل وبعد ما يدبل شوية نضيف الثوم وعليه الفراخ المسلوقة والليمون ونقلب كويس
خـطوة 2
هنضيف على الفراخ الخضار المتاح وملعقة الكركم وبودرة الثوم ونقلب لمدة 2 دقيقة ونطفي عليه
خـطوة 3
نضيف المكرونة في صينية وعليها كوباية بشاميل وبعدين عليها خلطة الفراخ ونكمل بباقي المكرونة وعليها كوباية البشاميل التانية ونضيف الجبنة على الوش ونسيبها في الفرن 20 دقيقة، وعلشان التهدير خسرنا كتير وريهم انك مبدعة ومتجددة بابسط الإمكانيات
