إزاي تعملي أحلى مقبلات.. بميزانية خفيفة
680 مشـاهدة
منذ 3 سنوات
على قد الإيد.. أحلى مقبلات من غير تكاليف
في رمضان زي مابتحلى اللمة، بيحلى كمان الأكل وتفاصيله، ولأن المقبلات المقلية مهمة خالص في رمضان عشان دايمًا بتتخطف أول ما المدفع يضرب، الهانم النهاردة هتقدملك مقبلات جديدة خالص وكمان من أكل إمبارح وبميزانية خفيفة وعلى قد إيدك.
#أطبخي_الطبيخ في #رمضان #قصةتانية_خالص
حضــــــــري
اللحوم الموجودة من اكل امبارح “فراخ ، لحمة، سجق ..الخ”
1 بطاطس مسلوقة
ملعقة صوص صويا
ملعقة سمنة الهانم
زيت للقلي
كوباية بقسماط
ربع كوباية بسلة
ملح وفلفل
نصف كوباية دقيق
نوع جبنة حسب الرغبة
الـطــريـقـــــة
خـطوة 1
هنقطع الفراخ او اللحوم الموجودة في طاسة مع ملعقة سمنة الهانم وعليها صوص الصويا والبسلة نضيف ملح وفلفل لو محتاجين هنسبها 3 دقائق ونرفعها
خـطوة 2
نهرس البطاطس ونضيف عليها نصف كوباية دقيق
خـطوة 3
ونبدأ نعمل كور بالبطاطس ونحشيها من الخلطة الجاهزة ولو في جبنة نضيفها نحطها في البيض والبقسماط وبكده تكون جاهزة للقلي
