"وصفة أسبانية".. محشي فلفل ألوان ببواقي الفراخ
224 مشـاهدة
منذ سنتين
اتبقى من أكل امبارح شوية فراخ ومحتارة تعملي بيهم ايه..؟
الحل عند الهانم.. وصفة اسبانية هتاكلي صوابعك وراها
كلنا بنقابل مشكلة بواقي الأكل، وبنبقى محتارين نعمل بيهم ايه، الهانم بتقدملك وصفة سهلة وجديدة، عشان لو اتبقى من أكل امبارح شوية فراخ ومحتارة تعملي بيهم ايه، جربي مع الهانم وصفة أسبانية لمحشي الفلفل مش هتاخد منك وقت، كل البيت هيحبوها وهياكلوا صوابعهم وراها.
حضــــــــري
٣ ملعقة كبيرة سمنة الهانم
بواقي الفراخ
ربع كيلو فلفل ألوان للحشو
نصف كوب فلفل ألوان متقطع مكعبات
١ بصل متقطع مكعبات
نصف كوب جبنة موتزاريلا
ملح وفلفل أسود
نصف كوب بقدونس مفروم
الـطــريـقـــــة
خـطوة 1
ضيفي بقايا الفراخ على الفلفل الألوان المتقطع والبصل والبقدونس.
خـطوة 2
شوحيهم مع بعض في سمنة الهانم على النار وضيفي تتبيلة الملح والفلفل الأسود.
خـطوة 3
نقلب الخليط كويس ونحشي بيه الفلفل الألوان بعد تقويره.
خـطوة 4
نحط الخليط في بايركس والجبنة الموتزاريلا على الوش، بعدها ندخله الفرن لحد ما يستوي والجبنة تسيح.
خـطوة 5
نقدم محشي الفلفل سخن ومعاه صوص تومية.
