كسكسي بالخضار - El Hanim
كسكسي بالخضار

كسكسي بالخضار

اعجــاب
65 مشـاهدة
منذ شهرين

الهوانم اللي بيحبوا الكسكسي وهو حلو هيحبوا طعمه أكتر وهو حادق، لو فاض منك كسكسي جربي تقدميه بطريقة جديدة بالخضار، هتنبسطي بطعمه وهتستفيدي بفوائده أكتر.

حضــــــــري

٢ ملعقة كبيرة سمنة الهانم

٣ كوب كسكسي متبقي

١ كوب حمص مسلوق

١ بصل مفروم

٢ فص ثوم مهروس

٣ طماطم مفرومة

٤ كوسة متقطعة

٤ بطاطا متقشرة ومتقطعة

٤ جزر متقشر ومتقطع

نصف كرنب

نصف حزمة كزبرة

١ ملعقة صغيره كمون

١ ملعقة صغيره كزبرة جافة

رشة فلفل أسود

ملح حسب الرغبة

الـطــريـقـــــة

خـطوة 1
هنقلي البصل المفروم بسمنة الهانم لحد ما يدبل ونضيف عليه الثوم والطماطم وجميع البهارات (فلفل أسود، كمون، كزبرة جافة) مع شوية ملح، بعدين هنزود الحمص ونزود مياه تغطيه ونسيبه يغلي.
خـطوة 2
بعد ما تغلي المياه، نزود الخضار المتبقي (الكوسة، البطاطا، الجزر، الكرنب) ونربط حزمة الكزبرة الخضراء بخيط ونحطها في الخليط علشان تضيف نكهة ونشيلها بعدين، نزود مياه كافية انها تغطي الخضار ونغطي الحلة ونسيبها على نار هادية من ٣٠ إلى ٤٠ دقيقة لحد ما الخضار يستوي.
خـطوة 3
نجيب الكسكسي المتبقي ونسخنه بسمنة الهانم، بعدين نزود الخضار عليه.
خـطوة 4
هنقدم الكسكسي سخن وهنزين وش الطبق بالزبيب حسب الرغبة.

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً