أكلة اقتصادية على قد إيدك.. طبق جديد من أكل امبارح
486 مشـاهدة
منذ سنتين
على قد الإيد.. كفتة البيض أكلة سهلة وبسيطة
أي حاجة بتفضل منك في الأكل هيبقى ليها فايدة مع الهانم، لو عندك شوية لحمة مفرومة من أكل امبارح؛ الهانم هتقولك على أكلة اقتصادية وطريقتها سهلة خالص، يالا نعمل كفتة البيض.
طريقة عمل كفتة البيض
حضــــــــري
– كمية اللحمة المفرومة اللي موجوة من أكل مبارح
– ٨ بيضات
– ١ طماطم مقطعة
– ١ فلفل رومي
– ٢ بصل
– ملعقة صغيرة من (فلفل، باريكا، شطة وتوابل لحمة)
– ملح حسب الرغبة
– ملعقة صلصة
الـطــريـقـــــة
خـطوة 1
- هنتبل اللحمة بالبابريكا ،الفلفل ،توابل اللحمة ومعلقة سمنة الهانم
خـطوة 2
هنشوح البصل على النار، وهنضيف عليه الطماطم والفلفل وشوية من التوابل اللي تبلنا بيها اللحمة والصلصة وربع كوباية مياه ونسيبها تستوي شوية على النار.
خـطوة 3
هنضيف الكفتة وبعدين نضيف عليها البيض ونخليه عيون ونسيبها في الفرن لحد ما يستوي البيض.
خـطوة 4
نقدمها مع شوية بقدونس ورغيف عيش متحمص
