3 خطوات عشان تعملي صينية بتنجان عالمية
897 مشـاهدة
منذ 3 سنوات
وصفة جديدة عشان تعملي أحلى صينية بتنجان
البتنجان من أشهر وأبسط الأكلات على السفرة المصرية، ودايمًا حاجز لنفسه ركن لوحده في المطبخ المصري، لو بتحبى البتنجان هنقولك على طريقة ممتعة جدًا وكمان تستخدمي فيها أى بواقى لحوم من إمبارح، لو باقى عندك فراخ أو سجق معمولين بأى طريقة هنعمل بيهم صينية بتنجان عالمية في كام خطوة بسيطة وبالهنا والشفا.
حضــــــــري
2 ملعقة سمنة الهانم
كيلو بتنجان أسود كبير
كوباية ونصف عصير طماطم
فلفل ألوان وقرن فلفل حامى
ملح وفلفل
4 ملعقة زيت
باقي الفراخ أوالسجق الموجود من إمبارح
الـطــريـقـــــة
خـطوة 1
هنشوح الفراخ أو اللحمة أياً كان كانت معمولة إزاى إمبارح.. ونقطعه قطع صغيره جداً في طاسة وعليها ملعقة سمنة الهانم
خـطوة 2
هنقطع البتنجان شرايح طويلة علشان تقدر نلفها وبعدين هنشوح البتنجان فى شوية زيت ومعلقة سمنة الهانم بحيث إنه يتحمر خفيف، نبدأ نمسك قطعة بتنجان ونحط عليه اللحوم المتقطعة صغير ونلفه وهكذا
خـطوة 3
في صينية هنحط كل البتنجان بعد ما نلفه كله بالحمه أو الفراخ ونضيف عصير الطماطم والفلفل الألوان متقطع وعلى وشها ملعقة سمنة الهانم .. ونسبها في الفرن لمدة من 20 إلى 30 دقيقة
