إزاي تعملي أحلى شيش طاووق من بواقي أكل امبارح
605 مشـاهدة
منذ سنتين
طريقة عمل شيش طاووق من بواقي الفراخ
ساعات كتير بيتبقى عندك بواقي أكل، وعشان الهانم الشاطرة لازم تجدد وتستغل كل التفاصيل في مطبخها عشان تطلّع حاجة جديدة، لو فاض منك أوراك فراخ من أكل امبارح، تعالي نعملهم شيش طاووق بطريقة الهانم الجديدة خالص ونخلي أكل امبارح حاجة جديدة خالص.
حضــــــــري
– اوراك امبارح متفصصة كبير
– الخضار الموجود ( كوسة – بتنجان – فلفل)
– طماطماية متقطعة مكعبات كبيرة
– بصلاية شرايح
– ملعقة صغيرة من “فلفل، بابريكا، شطة، توابل لحمة”
– ملح حسب الرغبة
– ملعقة صلصة
– ملعقة مستردة
الـطــريـقـــــة
خـطوة 1
هنجيب أسياخ الشيش طاووق ونسيبها في مياه دافية ساعة، هنقلب كل الخضار الموجود مع التوابل ونضيف عليه الفراخ المتفصصة كبيرة.
خـطوة 2
هنبدأ نضيف الخضار والطماطم في كل سيخ وقطع الاوراك لحد ما الكمية تخلص.
خـطوة 3
هنخلط الطماطم والمستردة وندهن بيها كل الأسياخ كويس، هنسيبها في الفرن من ۱٥ إلى ٢٠ دقيقة.
خـطوة 4
هنقدمها مع بطاطس محمرة وعيش محمص وناكل احلى شيش طاووق من أكل امبارح.
