من غير مجهود.. طريقة عمل أحلى شوربة خضار من بواقي لحمة العيد
70 مشـاهدة
منذ 8 أشهر
وصفة شوربة الخضار باللحمة المفيدة للمناعة
الجو الحر مش بيحب الأكل التقيل، لكن مش معنى إننا في الصيف يبقى ننسى الاهتمام بصحتنا، لو اتبقي عندك لحمة مسلوقة من العيد، اعملي بيها وصفة شوربة الخضار باللحمة المفيدة للمناعة في خطوات بسيطة ومن غير مجهود.
حضــــــــري
١ ملعقة كبيرة سمنة الهانم
بواقي اللحمة
١ حبة بطاطس
١ حبة جزر
١ حبة بصل
١ كوب بسلة
٢ معلقة صغيرة ملح
١ معلقة صغيرة فلفل أسود
ورق لورا
٤ فص حبهان
الـطــريـقـــــة
خـطوة 1
نقشر البصل ونقطعه حلقات ونقشر البطاطس ونقطعها مكعبات ونقشر الجزر ونقطعه مكعبات.
خـطوة 2
نسخن سمنة الهانم في طاسة على النار ونضيف عليها اللحمة، بعدها نقلبها كويس ونتبلها بالملح والفلفل الأسود.
خـطوة 3
نضيف الجزر والبصل والبسلة على اللحمة ونقلبهم مع بعض كويس، بعدها نضيف المياه على اللحمة والخضار ونضيف عليهم الحبهان وورق اللورا والملح والفلفل الأسود.
خـطوة 4
نسيب اللحمة على النار لمدة نصف ساعة علشان تستوي، بعدها نضيف عليها مكعبات البطاطس ونسيبها كمان ربع ساعة على النار.
