بخطوات بسيطة.. اعملي أحلى شاورما من بواقي اللحمة
727 مشـاهدة
منذ سنتين
إزاي تعملي أحلى شاورما من بواقي اللحمة..؟
بيبقى صعب شوية ناكل نفس الأكل يومين ورا بعض، وفي نفس الوقت ماينفعش الهانم ترمي بواقي الأكل، خصوصًا لو البواقي دي تبقى لحمة، النهاردة جايبين لكل الهوانم وصفة سهلة وبخطوات بسيطة عشان تعملي أحلى شاورما من بواقي اللحم.
لو متبقي عندك لحمة، جددي واستفيدي بيها في أكلة جديدة، هتفرق مع بيتك ومن غير تكاليف كتير أو زيادة في الميزانية، جربي وصفة الشاورما البيتي مع الهانم.
حضــــــــري
باقي اللحمة المسلوقة
١ كوب سمنة الهانم
١ بصل
٦ فصوص ثوم متقطع
فلفل حار
صلصة طماطم
١ ملعقة كمون
١ ملعقة كزبرة
عيش سورى أو عيش فينو
الـطــريـقـــــة
خـطوة 1
هنحط سمنة الهانم في طاسة ونحمر فيها البصل، بعدين نزود الفلفل الحار حسب الرغبة والثوم.
خـطوة 2
نحط اللحمة متقطعة قطع صغيرة ونقلبهم ونزود عليهم الصلصة وبعدين الملح والكزبرة والكمون، نسيبها علي النار شوية لحد ما تستوى.
خـطوة 3
نجهز العيش الفينو ونحط خلطة الشاورما فيه، ولو عيش سورى نلفه بالخلطة ونلسعه بقطعة سمنة الهانم صغيرة فى طاسة.
خـطوة 4
نقدم الشاورما سخنة ومعاها بطاطس محمرة.
