أسرع وصفة.. إزاي تعملي "بوبس كيك" من بواقي الكيكة..؟
1٬081 مشـاهدة
منذ سنتين
وصفة سريعة وسهلة لكل هانم.. طريقة عمل “بوبس كيك”
من النهاردة مش هتحتاري تعملي ايه ببواقي الكيكة
بنحتار دايمًا لما بيتبقى كام قطعة من الكيكة، واللي مع الوقت بتنشف وممكن طعمها يتغير، الهانم النهاردة مش هتخليكي تحتاري كتير، جبنالك وصفة سهلة، أطفالك هينبسطوا بيها جدًا، ولأن في كل عيد ميلاد بيتبقى كيك في التلاجة محدش بياكلها، استغليها واعملي أحلى “كيك بوبس” بطريقة سهلة.
حضــــــــري
٢ كوب كيك اسفنجي
نصف كوب لبن مكثف
٢ كوب شيكولاتة بيضاء سايحة
أسياخ خشبية
الـطــريـقـــــة
خـطوة 1
نحط الكيكة الفايضة في الكبة ونفرمها كويس جداً.
خـطوة 2
نضيف اللبن المكثف ونخلطهم شوية لحد ما يبقى الخليط متجانس.
خـطوة 3
نشكل الخليط على شكل كرات متوسطة الحجم، نرصها في صينية ونسيبها في التلاجة لمدة ساعة.
خـطوة 4
نغمس كرات الكيكة في الشيكولاتة البيضاء لحد ما تغطيها بالكامل.
خـطوة 5
قدمي الكيك بوبس باردة ومعاها مشروب ساقع.
