أكلة تجنن.. "بان كيك" من بواقي البطاطس المهروسة
626 مشـاهدة
منذ سنتين
البطاطس المهروسة ضيف شرف محبوب على السفرة وكلنا بنحبها، لو فاض منك شوية اعملي منها أكلة جديدة تجنن بان كيك البطاطس.
جربي الوصفة دلوقتي بطريقة سهلة وسريعة مع الهانم..
حضــــــــري
٢ ملعقة كبيرة سمنة الهانم
١ ونصف كوب بطاطس مهروسة
ثلاث أرباع كوب دقيق
١ كوب جبنة شيدر مبشورة
١ بيض
ملح وفلفل أسود
١ ملعقة كبيرة صلصة حارة (اختياري)
٢ فص ثوم مهروس
١ بصل مفرومة ناعم
نصف كوب كرفس مفروم ناعم
زيت نباتي
الـطــريـقـــــة
خـطوة 1
شوحي البصل والثوم والكرفس في سمنة الهانم، لحد ما الخضار يبقى طري وتشمي ريحته.
خـطوة 2
ضيفي الخضار المتشوح للبطاطس المهروسة، وضيفي عليهم الملح والفلفل والبيض والدقيق والصلصة الحارة والجبنة، وقلبيهم مع بعض في بولة لحد ما الخليط يتجانس.
خـطوة 3
شكلي الخليط على شكل أقراص وحمريها في الزيت.
خـطوة 4
قدمي بان كيك البطاطس سخنة ومعاها بصل أخضر كطبق جانبي.
