"اللحمة المسلوقة هتبقى قصة تانية خالص.. وصفة جديدة من الهانم
625 مشـاهدة
منذ 3 سنوات
جربي وصفة جديدة من الهانم
كلنا عارفين وحافظين اللحمة المسلوقة وتفاصيلها، وانها من أكتر الحاجات اللي بتفيض من أكل إمبارح، الهانم بتقولك مش هتحتاري ولا هنركن بواقي اللحمة في التلاجة لحد ماشكلها يتغير، مع الهانم اللحمة المسلوقة هتبقى أكلة جديدة وطعمها حاجة تانية خالص، بخطوات بسيطة هتقدري تبهري كل البيت.
حضــــــــري
لحمة مسلوقة من أكل امبارح
1 ملعقة سمنة الهانم
2 بصلة متوسطة مقطعة لمكعبات
2 فلفل رومى مقطع لمكعبات
ملعقة كبيرة قرفة
ملعقة كبيرة سكر
نصف ملعقة صغيرة ملح
نصف ملعقة صغيرة فلفل أسود
ملعقة صغيرة بهارات
كوباية شوربة أو مياه مغليه عليها مرقة خضار
الـطــريـقـــــة
خـطوة 1
هنسخن سمنة الهانم في طاسة واسعه ونضيف عليها ملعقة السكر والقرفة ونسبها لدقائق لحد ما يدبل السكر ويتحول لكراميل ذهبى اللون
خـطوة 2
هنضيف البصل والفلفل ونقلب لمدة من 2: 5 دقائق
خـطوة 3
نضيف عليه اللحمة المسلوقة ونقلب لحد ما اللحمة تاخد كل الصوص وبعدها على طول نضيف كوباية الشوربة والملح والفلفل الأسود، نسبها على النار حوالي 15 دقيقة علشان الصوص يتقل ويكون سميك وقدميها مع رز أبيض وسلطة خضرا
