الحلو من غير تكلفة.. إزاي تعملي أم علي من بواقي الفطير المشلتت..؟
7٬127 مشـاهدة
منذ سنتين
طريقة سهلة.. “أم علي” من بواقي الفطير
لما بنقول الفطير المشلتت على طول بييجي في ذهننا إنها أكلة اصحاب المزاج بس مش بنقدر نكملها علشان دسمة، أو عشان الفطيرة كبيرة، والحاجات الحلوة ساعات بتكون غالية، أو مش متوفرة، الهانم هتقولك وصفة بسيطة علشان تستفيدي ببواقي الفطير المشلتت وتعملي طبق أحلى أم علي.
حضــــــــري
بواقي فطير مشلتت متقطع قطع كبيرة
١ كوب سمنة الهانم
سكر للتحلية
١ كوب حليب
مكسرات
زبيب وجوز هند
الـطــريـقـــــة
خـطوة 1
نحط الحليب والسكر وسمنة الهانم على النار لحد مرحلة الغليان، ونسيبها بعدها نص ساعة لحد ما تتكون طبقة خفيفة على الوش.
خـطوة 2
في قلاية على النار نحمص المكسرات تحميص خفيف، بعدها نرفعهم من على النار ونضيف الزبيب ونقلبهم كويس مع بعض.
خـطوة 3
في طاجن نحط طبقة من الفطير وبعدها جوز الهند وبعدها المكسرات، بعدين نضيف طبقة تانية من الفطير وهكذا لحد ما نخلص بواقي الفطير.
خـطوة 4
نصب الحليب على طبقات الفطير وندخله الفرن على درجة حرارة ٢٤٠ لمدة ١٠ دقائق.
خـطوة 5
قدمي أم علي سخنة وزيني وش الطبق بالمكسرات.
