ماترميش حاجة.. إزاي تعملي أكلة جديدة من بواقي الفراخ..؟
881 مشـاهدة
منذ سنتين
إوعي ترمي بواقي الأكل.. وصفة جديدة من بواقي الفراخ
بيتبقى دايمًا بواقي من أكل امبارح وبنبقى مش عارفين نعمل بيها ايه، طبعًا ماينفعش ترمي حاجة، ريحي نفسك النهاردة من عمايل الأكل، عشان الهانم جابتلك وصفة جديدة، هعملي أكلة مختلفة من بواقي فراخ امبارح، وبجد هتلاقي الفكرة تستاهل.
طريقة عمل مكرونة بالفراخ والجبنة
جربي صينية مكرونة بالفراخ والجبنة بأسهل طريقة مع الهانم.
حضــــــــري
نصف كيلو مكرونة بيني
ربع كوب سمنة الهانم
٢ ملعقة كبيرة دقيق
٢ كوب لبن
١ كوب ونصف من بواقي الفراخ
١ كوب ونصف جبنة موتزاريلا
١ ملعقة صغيرة فلفل أبيض
١ ملعقة كبيرة ملح
الـطــريـقـــــة
خـطوة 1
اسلقي المكرونة في مياه مغلية ومملحة، بعدين صفيها وحطيها في صينية.
خـطوة 2
سيحي سمنة الهانم في طاسة على نار متوسطة، وضيفي الدقيق والفلفل الأبيض والملح وقلبيهم مع بعض لمدة دقيقة.
خـطوة 3
ضيفي الحليب وسيبي الطاسة على النار لمدة ٤ دقائق، حركي الخليط كل شوية لحد ما الصوص يتماسك.
خـطوة 4
حطي الصوص الأبيض على المكرونة المسلوقة، بعدها وزعي الفراخ على سطحها وفوقها الجبنة، حطي الصينية في الفرن لمدة ٢٠ دقيقة لحد ما الجبنة تسيح.
خـطوة 5
قدمي صينية المكرونة بالفراخ والجبنة ومعاها سلطة خضراء.
