لو باقي فراخ بانيه من أكل امبارح.. الهانم هتقولك على طريقة تجنن
1٬209 مشـاهدة
منذ 3 سنوات
وصفة جديدة من بواقي البانيه
دايمًا بيتبقى أكل، ودايًما بنحتار نعمل إيه ببواقي أكل امبارح، لكن الهانم مابتغلبش، دايمًا عندها جديد، وعشان الهانم الواعية هي اللي بتعرف تتصرف، النهاردة جيبنالك وصفة جدية وبسيطة، بس أهم حاجة الهانم الشاطرة هي اللي بتهتم بالتفاصيل الجديدة، لو باقي فراخ بانيه متحمرة، الهانم هتقولك على طريقة تجنن.
دلوقتي تقدري تشتري سمنة الهانم أونلاين من خلال اللينك ده https://cutt.ly/noJwOcH
حضــــــــري
– 2 ملعقة سمنة الهانم
– فراخ بانية من اكل امبارح
– 1 بصلة متقتطعة شرائح
– كوباية مرقة فراخ او خضار او لحمة اللي موجود
– 2 فص ثوم
– ملح وفلفل
– ربع كوباية كريمة لباني او زبادي عادية
– ملعقة ريحان
– ملعقة دقيق
الـطــريـقـــــة
خـطوة 1
هنسخن سمنة الهانم في طاسة ونضيف عليها البصلة ونشوحها ونضيف عليها الثوم والملح والفلفل والريحان
خـطوة 2
نضيف الدقيق وعليه كوباية المرقة والكريمة او الزبادي ونسبها تغلي وبعدين نضيف عليه الفراخ البانية المتقطعة ونسبها تغلي كمان مره وهتبقى جاهزه ممكن تتقدم مع باستا او رز وبالهنا والشفا
