البواقي ممكن يطلع منها أكلة عظمة على عظمة.. تعملي إيه لو اتبقى منك "أرز بسمتي"..؟
405 مشـاهدة
منذ سنتين
إزاي تعملي أكلة عظمة على عظمة من بواقي الأرز البسمتي؟
وزي ماتعودنا، الهانم المُدبرة الشاطرة مابترميش حاجة، مهما اتبقى منك أكل ومهما كانت الكميات، ممكن نطلّع أكلات جديدة من بواقي أكل امبارح، الأرز البسمتي أكلة بسيطة بس البواقي بتاعته ممكن يطلع منها أكلة عظمة على عظمة، النهاردة هنقولك وصفة هوانم للأرز باللحمة المفرومة والخضار.
حضــــــــري
٢ ملعقة كبيرة سمنة الهانم
نصف كيلو لحمة مفرومة
٢ كوب بقايا أرز بسمتي
١ بصل صغير مفروم
٢ كوب بسلة مسلوقة
١ كوب مكسرات مشكلة (فستق – لوز مقشر – صنوبر)
١ ملعقة كبيرة زيت
١ ملعقة صغيرة ملح
ربع ملعقة صغيرة فلفل أسود
الـطــريـقـــــة
خـطوة 1
على نار متوسطة نسيح سمنة الهانم، وبعدها نضيف المكسرات ونقلبها لحد ما يبقى لونها دهبي.
خـطوة 2
على نار متوسطة نسخن الزيت ونضيف عليه البصل ونقلبه لحد ما يدبل، بعدها نضيف اللحمة والملح والفلفل الأسود ونقلبهم لحد ما يبقى اللون بني، وبعدين نغطي الحلة ونسيبها على نار هادية لحد ما تستوي ونقلبهم مع بعض كويس.
خـطوة 3
في قالب الكيك حطي طبقة من المكسرات، وبعدها اللحمة والبسلة والأرز المسلوق ونضغط عليهم كويس.
خـطوة 4
لما تغرفي في الأطباق اقلبي الأرز في طبق التقديم علشان الطبقات تظهر كويس.
خـطوة 5
قدمي الأرز باللحمة المفرومة والخضار والمكسرات سخن وزيني وش الطبق بالمكسرات.
