أرز أسباني.. وصفة سهلة من بواقي الأرز الأبيض
177 مشـاهدة
منذ سنة واحدة
ماترميش بواقي الأرز الأبيض
وصفة أرز أسباني.. أكلة سهلة وعلى قد إيدك
لو اتبقى منك أرز أبيض، ماترميش منه حاجة، الهانم هتقدملك وصفة سهلة وعلى قد إيدك وبيتك كله هيحبها. الأرز من أكتر الحاجات اللي بتتبقَى على السفرة، ولأن الهانم مُدبرة ودايمًا شاطرة فهي معندهاش أكل بيترمي، لازم تستفيد بيه وتطلّع منه حاجة جديدة يحبوها كل البيت.
هنعمل النهاردة وصفة الأرز الأسباني ، عشان مع الهانم هتقدري تعملي أحلى أكل وبأقل التكاليف، بكل بساطة هنعيد استخدام بواقي ألارز الأبيض ونقدمه بطريقة جديدة وسهلة في وصفة الأرز الأسباني.
حضــــــــري
٢ ملعقة كبيرة سمنة الهانم
١ كوب ونصف بواقي أرز أبيض
ربع بصلة مفرومة حمراء
نصف حبة فلفل أحمر رومي مفروم
٢ كوب مرقة دجاج
١ كوب صوص طماطم
عصير نصف ليمونة
١ ملعقة صغيرة شطة
١ ملعقة صغيرة بودرة ثوم
١ ملعقة صغيرة زعتر طازة مفروم
نصف ملعقة صغيرة كمون
ملح وفلفل
ريحان
الـطــريـقـــــة
خـطوة 1
نشوح البصل والفلفل والطماطم في سمنة الهانم.
خـطوة 2
نضيف الكزبرة والزعتر والملح والفلفل وعصير الليمون والشطة وبودرة الثوم والكمون وصوص الطماطم.
خـطوة 3
نضيف عليهم الأرز ومرقة الفراخ في حلة كبيرة ونسيبه على النار لحد ما يغلي ويتسبك.
خـطوة 4
سيبي الأرز على نار هادية لحد ما يستوي.
خـطوة 5
قدمي الأرز الأسباني سخن وزيني وش الطبق بالريحان.
