طريقة عمل البط - El Hanim
طريقة عمل البط

طريقة عمل البط

اعجــاب
5٬372 مشـاهدة
منذ سنتين

طريقة عمل البط ومع الهانم الطريقة هتبقى سهلة خالص والطعم والريحة هتبهر الكل

حضــــــــري

بطة متوسطة الحجم

بصلة مقطعة قطع صغيرة جداً.

3 بصلات مقطعة إلى شرايح.

1 طماطم مبشورة .

ربع كوباية سمنة الهانم .

نصف كيلو فريك.

بهارات دجاج.

ملح وفلفل.

ورق لاورا.

نصف كوباية صويا صوص

ملعقة عسل كبيرة

الـطــريـقـــــة

خـطوة 1
حضري الفريك واغسليه وبعدين انقعيه في المياه لمدة ساعة وسبيه يتصفي.
خـطوة 2
سخني سمنة الهانم في حله متوسطة فوق نار متوسطة وضيفي عليها الفريك وقلبي لحد ما يصفر، بعدين ضيفي الطماطم المبشورة، البصل، الملح والفلفل وشوحيهم على النار لمدة 10 دقائق على نار هادية
خـطوة 3
حضري البطة واغسليها كويس بالملح والدقيق والليمون، اغسليها بالمياه.
خـطوة 4
قبل الحشو تبليها بالملح والفلفل والصويا صوص وملعقة عسل ابيض كبيرة
خـطوة 5
احشي البطة بخلطة الفريك، حضري صينية فرن وحطي فيها شرايح البصل وورق اللاورا والملح والفلفل وعليهم البطة ورشي الملح والفلفل وبهارات الدجاج وكوب كبير من المياه وغطيها بورق ألومنيوم.
خـطوة 6
سخني الفرن على نار متوسطة وحطي الصينية وبعد ساعة خرجيها من الفرن وشيلي ورق الألومنيوم ودخليها الفرن مرة تانية وسبيها لحد ما تستوي وتتحمر وبالهنا والشفا يا هوانم

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً

5 تعليقات