مكرونة بصوص المشروم
47 مشـاهدة
منذ 5 أشهر
مين يقدر ينسى الفرحة اللي كنا بنحس بيها لما نشم الريحة ونكتشف ان ماما عاملة لنا مكرونة، جربي نفس الإحساس مع ولادك واعمليلهم مكرونة بصوص المشروم وهتسمعي منهم تسلم ايدك.
حضــــــــري
1 ملعقة سمنة الهانم
350 جرام مكرونة أي نوع
250 جرام مشروم ابيض
1 رأس ثوم مفروم
1 عدد بصل ابيض صغير (مفروم)
2 ملعقة كبيرة بقدونس (مفروم)
2 ملعقة كبيرة زيت زيتون
1 كوب شوربة فراخ او خضار
رشة زعتر مجفف
بقدونس مجفف
1 كوب كريمة طهي
رشة جبنة بارميزان مبشورة
الـطــريـقـــــة
خـطوة 1
فى حلة على النار نسلق المكرونة في ماء مغلي ونضيف عليها شوية ملح، في حلة تانية نقطع المشروم وننزله في حلة فيها زيت الزيتون وسمنة الهانم مع البصل المفروم ونقلبه كويس لحد ما لونه يتغير.
خـطوة 2
بعدها نضيف الثوم المفروم ونقلب الخليط كويس، بعدها ننزل بشوربة الخضار أو الفراخ ونضيف الملح والفلفل المجروش مع البقدونس والزعتر المجفف.
خـطوة 3
لما الصوص يتقل نضيف الكريمة ونقلب شوية، بعدها نضيف الجبنة والبقدونس المفروم ونسيب الصوص على النار علشان يتسبك ويتقل.
خـطوة 4
أول ما المكرونة تستوي نضيف عليها الصوص ونقدمها.
