من غير مجهود.. إزاي تعملي أحلى طبق مكرونة بالكبدة
290 مشـاهدة
منذ سنة واحدة
وصفة المكرونة بالكبدة
المكرونة أكلة سهلة وسريعة وليها ناسها اللي بيحبوها، لكن وجود كبدة مع المكرونة دا بيخليها طبق جديد بملامح شرقية، له طعم مختلف ومزاج مختلف، جربي مع الهانم وصفة سريعة وسهلة للمكرونة بالكبدة هتشبّع البيت كله ومن غير مجهود كبير.
حضــــــــري
٢ ملعقة كبيرة سمنة الهانم
٣ ملعقة زيت
نصف كيلو مكرونة مسلوقة
نصف كيلو كبدة بلدى متقطعة صغير
٢ فلفل رومى متقطع صغير
٤ فص ثوم مفروم
١ بصل مقطع صغير
١ فلفل حار متقطع صغير
١ ملعقة كبيرة فلفل أسود
١ ملعقة كبيرة ملح
١ ملعقة صغيرة كزبرة جافة
١ كيلو عصير طماطم
الـطــريـقـــــة
خـطوة 1
على نار متوسطة نسخن معلقة سمنة الهانم في حلة، ونضيف عليها البصل والطماطم لحد ما لونهم يدبل.
خـطوة 2
نسيب الطماطم لحد ما تتسبك ونرش عليها الملح والفلفل.
خـطوة 3
نقلب المكرونة المسلوقة مع الصلصة ونرفعها من على النار، وفي حلة تانية على النار نضيف الزيت والثوم ونقلبهم مع الكبدة.
خـطوة 4
نتبل الكبدة بالملح والفلفل والكزبرة، ونضيف الفلفل الحار والرومي حسب الرغبة.
خـطوة 5
نقدم المكرونة سخنة والكبدة على وش الطبق.
