4 خطوات عشان تعملي أحلى مكرونة بالفراخ وصوص البيستو
185 مشـاهدة
منذ سنتين
لـ أصحاب المزاج.. طريقة عمل مكرونة بالفراخ وصوص البيستو
طاقة المزاج والروقان والخروج كلها في الصيف، ولان الصيف شهر كله خروج وحركات، الهانم جابتلك وصفة لتحسين المزاج، علشان تروقي على نفسك وتوفري وقت تعملي فيه الحاجة اللي على مزاجك، جربي مع الهانم وصفة المكرونة بالفراخ وصوص البيستو.
حضــــــــري
نصف كيلو مكرونة
نصف كيلو فراخ مسلوقة شرائح أو مكعبات
٢ كوب أوراق ريحان طازة
نصف كوب صنوبر
نصف كوب جبنة بارميزان مبشورة
٢ ملعقة صغيرة عصير ليمون
نصف كوب زيت زيتون
سمنة الهانم
١ فص ثوم
ملح وفلفل أسود
الـطــريـقـــــة
خـطوة 1
نهرس أوراق الريحان والصنوبر والجبنة والثوم وعصير الليمون في طبق لحد ما الخليط يبقى ناعم، بعدين نزود الزيت وربع ملعقة من الملح والفلفل الأسود.
خـطوة 2
نسلق المكرونة في مياه مغلية وملح ونسيبها لحد ما تستوي وبعدين نصفيها.
خـطوة 3
هنشوح الفراخ في طاسة بسمنة الهانم، بعدين هنحط الفراخ والمكرونة في حلة كبيرة على نار متوسطة ونبدأ نزود الصوص بالتدريج، وبعدها هنقلب لحد ما نوصل للقوام اللي عايزينه.
خـطوة 4
قدمي المكرونة سخنة وزيني الطبق بأوراق الريحان.
