محشي كرنب بطريقة الهانم
436 مشـاهدة
منذ سنتين
محشي الكرنب في الشتاء ليه طعم تاني.. الهانم هتسهل عليكي سفرتك وهتقولك طريقة جديدة خالص.
حضــــــــري
– رأس كرنب مغسولة ومتقطعة وجاهزة للحشي
– ٢ كوباية أرز
– ربع كوباية سمنة الهانم
– ٢ بصل مفروم فرم ناعم
– حزمة كزبرة مفرومة
– حزمة بقدونس مفرومة
– حزمة شبت مفرومة
– ٣ طماطم مقطعة مكعبات صغيرة
– ٣ ملعقة كبيرة من صلصة الطماطم
– ٢ فص ثوم مفروم
– ٢ مكعب مرق الدجاج
– ٢ ملعقة صويا صوص
رشة صغيرة ملح
– فلفل أسود حسب الرغبة
– ملعقة كبيرة كمون مطحون
– ربع كوباية عصير ليمون
– ملعقة كبيرة بهارات مشكلة
الـطــريـقـــــة
خـطوة 1
هننقع الأرز في مياه لمدة 30 دقيقة تقريباً وفي طبق كبير هنخلط الأرز المنقوع والبصل، الكزبرة، البقدونس والشبت المفرومين، هنقلب كويس جدا ونضيف الملح والفلفل والبهارات ونقلب كويس ونضيف سمنة الهانم ٢ ملعقة لخليط الارز علشان يبقى جاهز للحشو.
خـطوة 2
بعد ما تحشي كل الكمية المطلوبة، هنضيف أصابع محشي الكرنب في حلة عميقة بترتيب دائري.
خـطوة 3
في حلة تانية هنضيف كمية من البصل المفروم والثوم مع معلقة سمنة الهانم وبعد ما يدبلوا شوية هنضيف صلصة الطماطم ومكعبات الطماطم والملح والكمون ومكعبات مرق الدجاج والصويا صوص ونضيف حوالي كوباية ونصف مياه ونقلب المكونات كويس ونصب الخليط على المحشي في الحلة.
خـطوة 4
هنسيبها على نار مرتفعة الحرارة لحد ما تتشرب شوية، نبدأ نوطي النار لحد ما يستوي.
خـطوة 5
ممكن نقدم محشي الكرنب مع فراخ محمرة وبتنجان مخلل وبالهنا على قلبكم يا هوانم
