محشي ورق الفجل - El Hanim
محشي ورق الفجل

محشي ورق الفجل

اعجــاب
347 مشـاهدة
منذ سنتين

لو لفة ورق المحشي مش بتظبط معاكي وبيفك منك أو بيعجن..

حضــــــــري

٢ حزمة فجل

١ كوب أرز

١ ملعقة سمنة الهانم كبيرة

١ كوب عصير طماطم

١ كوب زيت

٢ بصل مبشور

١ حزمة شبت وبقدونس وكزبرة

١ كوب شوربة

ملح وفلفل أسود وكمون وكزبرة ناشفة

الـطــريـقـــــة

خـطوة 1
هنقطع ورق الفجل من العيدان بتاعته، ونسلقه في مياه سلق ونضيف عليها شوية كمون علشان الريحة، وبعدين نسيب الورق لحد ما يبرد.
خـطوة 2
نحط البصل فى حلة فيها شوية زيت، ونحمره على النار لحد ما يبقى لونه أصفر.
خـطوة 3
نضيف الشبت والكزبرة والبقدونس على البصل، ونقلب الخليط لحد ما يدبلوا شوية، ونضيف عليهم عصير الطماطم والثوم المفروم ونسيبهم يتسبكوا ويغلوا شوية على النار.
خـطوة 4
لما يبرد الخليط شوية نضيف عليه الأرز ونقلبهم كويس، نحشي ورق الفجل بالحشوة اللى عملناها ونلفها كويس، وبعد كده نرص الورق فى الحلة اللى هنطبخه فيها.
خـطوة 5
بعد ما نرص ورق الفجل كله، نسقيه بشوربة لحمة أو فراخ أو حتى مرقة، ونسيبه على النار لحد ما يتشرب الشوربة، وبعدها نهدى عليه النار لحد ما يستوى.
خـطوة 6
قدمي محشي الفجل سخن ومعاه فراخ محمرة.

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً