محشي الكاليماري
288 مشـاهدة
منذ سنتين
القعدة قدام التلفزيون في ليل الشتاء الطويل، محتاجة أكلة حلوة علشان السهرة تحلى يا هوانم..
حضــــــــري
نصف كيلو كاليماري
٢ كوب أرز
٢ بصلة مفرومة
١ ملعقة كبيرة سمنة الهانم
٣ طماطم متقطعة مكعبات
٣ فلفل أخضر حلو أحمر وأصفر
٢ فص ثوم مهروس
٢ ملعقة كبيرة صلصة طماطم
٢ ملعقة كبيرة زيت زيتون
١ حزمة أوراق الكرفس
١ ملعقة صغيرة زعتر
١ ملعقة صغيرة فلفل أبيض
١ ملعقة صغيرة ملح
ربع كوب شبت
ربع كوب كزبرة خضراء مفرومة
ربع كوب بقدونس
الـطــريـقـــــة
خـطوة 1
نشيل قشر الكاليماري وبعدها نقطع البصل ناعم ونشوحه في زيت الزيتون على النار.
خـطوة 2
نقطع الكاليماري الأصغر حجماً علشان هنضيفه للحشو ونحطه مع البصل ونضيف عليهم الملح والفلفل الأبيض وبعدها نضيف عليهم البقدونس المفروم والكزبرة الخضراء المفرومة وصلصة الطماطم والأرز المغسول ومياه.
خـطوة 3
نغطى الخلطة ونسيبها على النار تستوي وقبل ما تستوي خالص بشوية نضيف الطماطم المتقطعة مكعبات.
خـطوة 4
نضيف الزعتر للخليط ونبدأ نحشي الكاليماري بخلطة الأرز ونجهز في صينية بصل وبقدونس وكرفس وثوم وفلفل ألوان متقطعين صغير علشان نحطهم تحت الكلمارى المحشي.
خـطوة 5
نرص الكاليماري في الصينية ونسقيه بالمياه وصلصة الطماطم.
خـطوة 6
نقطع الكاليمارى المحشي في الصينية ونحط معاها الباقي من حشوة الأرز في الفرن.
خـطوة 7
قدمي محشي الكاليمارى سخن ومعاه شوربة سي فود.
