محشي السبيط بالجمبري
272 مشـاهدة
منذ سنتين
المطبخ الإيطالي شبه المطبخ المصري جداً يا هوانم، أكيلة وبيستطعموا الأكل الحرش زينا وخصوصاً السي فود..
حضــــــــري
٢ فص ثوم مفروم
١ ملعقة صغيرة صلصة
٢ ملعقة سمنة الهانم
١ كيلو سبيط كامل للحشو
كوب ونصف طماطم مفرومة
١ كيلو جمبري أصغر حجم
١ بصلة كبيرة مفرومة
١ بصلة صغيرة مفرومة
١ حزمة شبت وكسبرة مفرومة
٢ ثمرة فلفل أخضر مفروم أو مقطع
٣ فصوص ثوم مفروم
ملح وبهارات
الـطــريـقـــــة
خـطوة 1
نضفي السبيط كويس جدًا بالملح والليمون وشيلي رأسه لحد ما يبقى شبه القُمع وشكله أسطواني.
خـطوة 2
اخلطي البصل والثوم والشبت والكسبرة والفلفل الأخضر والجمبري والملح والبهارات مع بعض واحشي السبيط بالخليط بحيث يكون تلتين محشيين وتلت فاضي.
خـطوة 3
اقفلي السبيط كويس بالتلت الفاضي واربطيه كويس بخلة أسنان وسخني الفرن على درجة حرارة ١٨٠.
خـطوة 4
علشان تحضري الصوص، شوحي البصل المفروم مع الثوم المفروم في السمنة على نار متوسطة وبعدها ضيفي طماطم مفرومة وملعقة صغيرة صلصة.
خـطوة 5
رصي السبيط في طاجن فخار واسقيه كويس جداً بالصوص ودخليه الفرن لمدة ٣٥ – ٤٥ دقيقة لحد ما يستوي.
خـطوة 6
قدمي السبيط سخن وقطعيه شرائح ومعاه شوربة سي فود.
