محشي البطاطا قصة تانية خالص
335 مشـاهدة
منذ 3 سنوات
البطاطا كنز صحي في الشتاء وخصوصاً لما تكون مسكرة وسخنة علشان تدفينا، بس عمرك تخيلتي يا هانم أنك ممكن تحشي البطاطا..
حضــــــــري
٦ حبات بطاطا متوسطة الحجم
نصف كيلو لحمة مفرومة معصجة
٢ ملعقة كبيرة سمن الهانم
١ بصلة مفرومة
١ كوب مرقة لحمة
ملح وفلفل أسود
الـطــريـقـــــة
خـطوة 1
اللحم المعصج
نشوح البصل في السمنة ونضيف عليه اللحمة والبهارات لحد ما يتشرب المرقة كويس ويتحمر.
خـطوة 2
المحشي
نقشر البطاطا ونقورها من جوه وبعدين نحشيها بخليط اللحم المعصج.
خـطوة 3
نحمر البصل لحد ما يكتسب اللون الذهبي، نضيف عصير الطماطم ونسيبه على نار متوسطة لحد ما السمنة تطلع على السطح.
خـطوة 4
نضيف مرقة اللحمة على الطماطم ونسيبها لحد ما تغلي.
خـطوة 5
نرص البطاطا في صينية فرن ونسقيها بصوص الطماطم السخن.
خـطوة 6
ندخل الصينية في الفرن على درجة حرارة ۱۸۰ لمدة ٣٠ دقيقة لحد ما تتحمر وتستوي.
خـطوة 7
قدمي محشي البطاطا سخن ومعاه سلطة بابا غنوج.
