محشي البتنجان بالبرغل
345 مشـاهدة
منذ سنتين
البتنجان الأبيض عين أعيان المحشي وشكله شيك وابن ناس وبيجري الريق في صواني المحمر والمشمر..
حضــــــــري
٥ حبات بتنجان متقور
١ كوب برغل خشن ومغسول
٢٠٠ جرام لحمة مفرومة
١ كوب سمنة الهانم
١ بصل مفروم
٢ طماطم مفرومة
٣ ملعقة كبيرة بقدونس مفروم
٣ ملعقة كبيرة صلصة طماطم
نصف كوب حمص مسلوق
٣ ملعقة كبيرة دبس الرمان
١ ملعقة صغيرة فلفل أسود
١ ملعقة كبيرة ملح
٢ مكعب مرق لحم
١ فلفل حار مفروم
٣ فصوص ثوم مفروم
الـطــريـقـــــة
خـطوة 1
نشوح البصل والثوم في السمنة لحد ما لونهم يبقى أصفر ونضيف اللحمة والتوابل ونقلبهم مع بعض وبعدين نضيف الطماطم والفلفل الأحمر لحد ما الطماطم تستوي.
خـطوة 2
نضيف معاهم البرغل وونسيبه شوية يستوي، بعدها نضيف ملعقة واحدة من صلصة الطماطم ودبس الرمان والحمص والبقدونس ونقلبهم مع بعض كويس لحد ما يبقى الحشو جاهز.
خـطوة 3
نحشي البتنجان بالخلطة ونسيب تلت منه فاضي.
خـطوة 4
في طاسة على النار نحط شوية مياه مع صلصة الطماطم ونضيف عليهم اللحمة والفلفل الأسود ونسيبهم على النار لحد مرحلة الغليان.
خـطوة 5
نضيف البتنجان المحشي ونسقيه بالصوص وبعدين نسيبه على النار يستوي لمدة نصف ساعة.
خـطوة 6
قدمي محشي البتنجان سخن ومعاه شوربة فراخ.
