كوسة بالبشاميل
554 مشـاهدة
منذ 3 سنوات
الكوسة بالبشاميل معمولة مخصوص علشان كل الهوانم يعملوا أحلى صينية على الغداء، جربي طريقة الهانم الجديدة خالص.
حضــــــــري
۱ كيلو كوسة
نصف كيلو لحم مفروم
۲ بصل مبشور
۳ ملعقة كبيرة سمنة الهانم
ملح
فلفل أسود
جوزة الطيب
ملعقة كبيرة صلصة طماطم
الـطــريـقـــــة
خـطوة 1
نحضر طاسة ونضيف عليها سمنة الهانم وبعدين نضيف البصل المبشور ونقلب لحد ما يتغير لونه ويبقى أصفر.
خـطوة 2
نضيف اللحمة المفرومة للبصل ونقلب كويس وننزل بالصلصة ونتبلها بالملح والفلفل الأسود وجوزة الطيب ونستمر في التقليب لحد ما اللحمة المفرومة تستوي نص تسوية ونشيلها في طبق على جنب.
خـطوة 3
نحضر الكوسة و نقطعها لشرايح متوسطة الحجم، في نفس الطاسة اللي اتعمل فيها اللحمة نضيف سمنة الهانم على نار متوسطة ونضيف عليها شرايح الكوسة ونقلبها في السمنة وبعد كده نضيف لها رشة ملح وفلفل أسود ونستمر في التقليب لحد ما تتشوح.
خـطوة 4
نحضر صينية وندهنها سمنة الهانم ونضيف بشاميل ونرص نصف الكوسة وعليها شوية بشاميل وننزل باللحمة المفرومة ونفردها وبعدين نرص باقي الكوسة وفي الآخر ننزل بباقي البشاميل عليها وممكن نضيف عليها جبنة حسب الرغبة.
خـطوة 5
قدميها سخنة مع طبق السلطة الخضراء.
