كفتة الفراخ المشوية - El Hanim
كفتة الفراخ المشوية

كفتة الفراخ المشوية

اعجــاب
17٬304 مشـاهدة
منذ سنتين

الهانم هتجدد معاكي وهتقولك على أكلة جميلة وخفيفة خالص علشان تعمليها لماما من غير ما تحتاري «كفتة الفراخ المشوية»

#أكلةهوانم #قصةتانية_خالص

حضــــــــري

نص كيلو صدور فراخ مفرومة.

ملعقة كبيرة سمنة الهانم.

3 فصوص ثوم مفروم.

بصلة متوسطة مفرومة.

نص كوباية بقدونس طازج مفرومه.

كوباية بقسماط ناعم.

نص ملعقة كبيرة ملح.

1 ملعقة صغيرة فلفل أسود.

1 ملعقة صغيرة بهارات.

1 بيضه .

نص ملعقة صغيرة شطة (اختياري).

الـطــريـقـــــة

خـطوة 1
هنحط الفراخ المفرومة في طبق كبير، هنضيف عليها البصل المفروم، الثوم، البقدونس، الملح، الفلفل الأسود، البهارات، والشطة ونخلط المكونات كويس جدا
خـطوة 2
هنضرب البيضه مع الفلفل الأسود، ونضيفه على خليط المفروم والبهارات وبعد كده هنضيف عليهم البقسماط، نعجنه كويس لحد ما يتماسك ولو حاسينا ان العجين محتاج بقسماط بنضيف
خـطوة 3
هنشكل الكفتة على الأعواد الخشب او الاسياخ وندهنها كويس بسمنة الهانم
خـطوة 4
هنجهز الشواية الفحم أو الكهربا ونسخنها، ونرص كفتة الفراخ على الشواية، نسبها حوالي 10 - 20 دقائق ونقلبها بإستمرار ممكن نقدم كفتة الفراخ مع سلطة الطحينة والعيش البلدي أو باستا بالصلصة وبطاطس محمرة وبالهنا والشفا

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً